இப்போதைய கோபம்

வலைத்துணுக்குகள் பலவற்றில் தனிநபர் விமர்சனம் பல சமயங்களில் தலை தூக்கி நிற்கிறது. உடனே இவற்றை எதிர்த்து ஒரு பத்து தனிநபர் விமர்சன பின்னூட்டங்கள்(பெரும்பாலும் வலைப்பதிவரைக் குறிவைத்து).

இவற்றையெல்லாம் படிக்கும்போது பயங்கரமா கோபம் வருதுங்க! பேசாம இதுக்கு ஒரு சென்சார் இருந்தா தேவலைன்னுகூட கோபத்தில சில சமயம் தோணுது(ஆனாலும் சென்சார் யோசனை எனக்கே உடன்பாடில்லை). நான் வழக்கமாகப் படிக்கும் வலைப்பதிவுகளில்கூட இந்த மாதிரி விமர்சனங்களைப் படிக்கும்போது, அந்த வலைப்பதிவர் மேல அது வரைக்கும் இருந்த மதிப்பு குறைந்து போகுது. எத்தனையோ பேர் இதைப் பற்றி எழுதிவிட்டாலும் யாரும் திருந்துவதாகத் தெரியவில்லை. இன்னும் சில வலைப்பதிவுகளில் சில நல்ல மேட்டர்கள் வரும்போது கூட, சில புல்லுருவிகள் மிகக் கேவலமாக பின்னூட்டமிடுகின்றனர். உதாரணம் நவன் பகவதியின் வலைத்துணுக்கில் சமீபத்தில் பதியப்பட்ட பின்னூட்டங்கள். ஐயா பின்னூட்டவாதிகளே! வலைத்துணுக்குகளில் வரும் ஏதாவது ஒரு விஷயம் உங்களுக்கு பிடிக்கவில்லையென்றால். அதைப் பற்றிய ஆரோக்கியமான விமர்சனத்தையோ, எதிர்ப்பையோ பதிய முடிந்தால் பதியுங்கள். அதை விடுத்து உங்களுக்கும் கணிணியில் தமிழ் எழுத தெரியும் என்பதால் அசிங்கமாக எழுதாதீர்கள். அப்படி அசிங்கமாக எழுத உங்களுக்கு ஆசையாயிருந்தால் அதற்கு வேறு தளங்கள் இருக்கின்றன. அங்கே போய் எழுதுங்கள். அடப் போங்கப்பா, மூடே அவுட் ஆகிவிட்டது!!